UN OBRADOIRO INMERSIVO

Que tarde tan especial en Xogo de Fíos!

O pasado venres 27 de xuño organizamos un obradoiro artesanal para adultos na miña tenda: Xogo de Fíos (Outeiro de Laxe, Allariz). Noutras ocasións tiña organizado eventos para crianzas pero, para ser a primeira vez con adultos, o resultado foi incrible. Participaron 4 mulleres, non tiñan experiencia previa no fiado a través do tacto pero a vivencia mereceu a pena. O obxectivo destes obradoiros non só é aprender unha nova técnica artesanal, senón que tamén dar a coñecer o entorno e historia no que xurde Xogo de Fíos, así como a dinamización das áreas rurais.

Xuntas creamos fermosos tapizados de fío, neste caso andoriñas xa que agora no verán abondan por estes lares. Por suposto, en Xogo de Fíos aportamos todo o material necesario xa que o importante é vir con moitas gañas. Pero non confeccionamos unhas andoriñas tradicionais, intentamos darlle cor e alegría empregando multitude de tons para representar a diversidade cultural e artística. Como xa sabedes, cada persoa ten a súa propia creatividade e expresión artística. Polo que, desde Xogo de Fíos pretendemos que cada participante deixe voar a súa imaxinación con liberdade. Todas as propostas fiadas son válidas!

Pasamos unha xornada de moita parola, risas e experiencias compartidas. Ata tivemos uns intres para degustar unhas rosquillas e un café! Para que o obradoiro resulte máis dinámico e inmersivo coa discapacidade, nesta ocasión propúxenlle un reto: tapar os ollos. Unha auténtica experiencia sensorial para agudizar os sentidos. A dificultade que atoparon para fiar sen a vista converteuse nun exercicio de empatía, pois considero importante que as participantes coñezan as miñas limitacións para entender o valor engadido que define a Xogo de Fíos.

Bueno... penso que o resultado destas obras fiadas, podedes comprobalo vos mesmos. Quedou precioso! Unhas auténticas artistas!!!

Finalmente, só podo agradecer a vosa confianza en min e a asistencia ao obradoiro. Fíxome unha enorme ilusión recibirvos na tenda e compartir a tarde na vosa compaña. GRAZAS!

Proximamente informarei de máis eventos. Estade atentos!