En colaboración co CIM Maceda (Centro de Información da Muller) organizamos unha xornada de preparación do 8M. Trátase de que entre todas as mulleres participantes confeccionen un mural empregando a técnica do fiado que utilizo eu en Xogo de Fíos. Despois, durante os actos que se celebren o propio 8 de marzo, será exposto publicamente polo concello de Maceda.
A idea é que as participantes traballen en equipo e compartan valores e inquedanzas comúns. Deben comprender que o movemento feminista, ó igual que este mural, non é unha acción individualista. Ten que ser unha reivindicación colectiva. Para iso, durante esta xornada tamén falamos un pouco da historia do feminismo, de como as mulleres ó longo da historia fomos conquistando dereitos ata chegar ós nosos días. Desde o primeiro momento, deixeilles claro que o feminismo busca a igualdade e nunca a superioridade entre mulleres e homes. Penso que os conceptos, aínda que sinxelos, quedaron asentados.
O que máis me chamou a atención deste grupo é a variedade de idades das mulleres participantes e a súa implicación, a motivación e as ganas de traballar nun proxecto común. Sen dúbida, formaron un equipo unido e dinámico, a pesar de non coñecerse fixeron un traballo espectacular.!!
Vémonos o 8M!!!!
Comentarios